Nutaaliornermik ineriartortitsinermillu suliaqarneq iluarusuutigisarpiuk, taavalu suliatigut inuttullu unammillerneqarnissat kissaatigisinnaaviuk? Aaqqissugaanermi politikkikkut aqunneqartumi iluarusullutit sulisinnaavit aamma Kommune Kujalliup ineriartortinneqarneranut peqataarusuppit?
Taava immaqa tassaavutit ingerlatsivimmi pisortartaassarput!
Kommune Kujalleq Atuarfeqarnermut, Meeqqeriveqarnermut Nutaaliornermullu Ingerlatsivimmi pisortassarsiorpoq.
Pisortassamut piginnaanilimmut atuarfeqarnermut meeqqeriveqarnermullu susassaqarfiup iluani suliniuteqarnissamut kajumittumut, sapiissusilimmut piginnaanilimmullu pisortatut atorfik pissanganartoq unammillernartorlu neqeroorutigaarput.
Kommune Kujallermi ingerlatsivimmi pisortatut kommunimi pisortaqatigiinnut ilaassaatit, matumanilu kommunimi pisortaaneq, pisortaanerup tullia kiisalu ingerlatsivinni ataasiakkaani allani pisortat ilaapput, taavalu Atuarfeqarnermut, Meeqqeriveqarnermut Nutaaliornermullu Ataatsimiititaliamut peqataasartussaallutit. Pisortaaneq toqqaannartumik pisortarissavat.
Pisortaqatigiinni pisortaqatitit qanimut ataqqeqatigiinnikkullu suleqatigisussaavatit, matumani susassaqarfinni suliatigut assigiinngitsutigut akisussaaffitsigullu suleqatigiinneq salliutillutigu.
Kommune Kujallermi illoqarfinni pingasuni atuarfeqarpoq, aqqanilinnik nunaqarfinni atuarfeqarluni aqqanilinnillu paaqqinnittarfeqarluni.
Suliassap annersaa:
- Kommunalbestyrelse qanimut suleqatigissallugu, taavalu atuarfeqarnermut meeqqeriveqarnermullu susassaqarfimmut tunngatillugu politikkikkut ataatsimiititaliami allatsitut atorfiup isumaginissaa.
- Allaffissornikkut ingerlatsinerup akisussaaffiginissaa, aamma atuartitaanermut atuarfeqarnermullu pilersaarutit akuerineqarnissaat, taamaaliornikkullu susassaqarfiup iluani aalajangersakkat eqquutsinneqarnissaasa qulakkeernissaat.
- Atuarfeqarfiup meeqqeriveqarfiullu tamarmi missingersuusiorneqarnissaanut naatsorsuutillu nakkutigineqarnissaannut ingerlatsivimmi pisortaq akisussaavoq.
Piginnaasassatit:
- Atorfimmik assingusumik misilittagaqarsimanissaq
- Suliassaqarfimmik ineriartortitsinissamik kajumissuseqartoq misilittagalillu, taannalu ilutigalugu politikkikkut piumasaqaatit naapertorlugit ulluinnarni ingerlatsisinnaasoq,
- Suut tamaasa eqqarsaatigalugit aaqqiissutissanik assigiinngitsunik eqqarsaatersorsinnaasoq,
- Inuttut avatangiisit eqaatsut naleqalersitsisullu suliffigissallugit iluarusuutigaatit. Inuit ataasiakkaat ataqqillugit suliat assigiinngisitaartorpassuit isumaginissaat pikkoriffigaat.
- Qinnuteqartut marluinnik oqaasillit piumaneqarnerussapput, tamannali piumasaqaataanngilaq.
Immikkut ilisarnaatitit:
- Suliassatigut piginnaasaqarneq pisortaqarfinnilu aqutsinermik tunngaviusumik paasinninneq misilittagaqarnerlu.
- Qaffasissutsit tamaasa aallaavigalugit suliniutinik suleqatigiissutigisassanillu nutaanik aallarnisaallaqqisuuneq.
- Oqaatsit paasinnissutissat ilaat tassaapput isumassarsiviusuuneq, kajumissisitsisuuneq pilersitseqataasuunerlu.
- Attaveqaqatigiinnermut pikkoriffeqarneq, suliffiullu avataani iluanilu qallunaatut kalaallisullu oqaaseqarneq iluaqutaassaaq, piumasaqaataananili.
- Ajornanngippat naleqquttumik ilisimatusaatigalugu ilinniagaqarsimanissaq naleqquttumillu naammaquserlugu ilinniaqqissimaneq
- Aaqqissugaaffimmi politikkikkut aqunneqartumi sulinermut paasisimasaqartutit, ajornanngippat politikkikkut siunnersortitut siunersiueqatitullu misilittagaqarlutit.
Ilinnut neqeroorutigisinnaavagut
- Atorfik suliatigut inuttullu aallutassanik annertuunik toraagassaqarfiusoq.
- Suleqatit pikkorissut suliffikkuminartuunissamik siunniussaqartut.
- Nunatta immikkoortuata pinnernerpaat ilaanni pinngortitami misigisassarsiorsinnaaneq sunngiffimmilu periarfissagissaarneq
Aningaasarsiat atorfeqartitaanermilu atugassarititaasut
Allaffissornikkut pisortat akissarsiaat atorfimminnilu atugaat pillugit Naalakkersuisut aammalu IMAK-ip isumaqatigiissutaat naapertorlugit atorfinitsitsisoqassaaq.
Tamatuma saniatigut inatsisit atuuttut najoqqutaralugit nammineq akilertagassaasumik atorfimmut atatillugu inissaqartitsisoqassaaq kiisalu angalanermut aningaasartuutit aamma pisattat assartorneqarnerat akilerneqassalluni.
Soqutiginnippit?
Atorfik pillugu qinnuteqarfissaq toorlugu qinnuteqarit, tassunga qinnuteqaatit inuunermilu taasassat ilisinnaavatit.
Atorfimmut tunngatillugu apeqqutaasinnaasut tamarmik ukununnga apeqqutigineqarsinnaapput: Dorthe Flies, Flies HR Consulting, oqarasuaat +45 6083 3117, +299 583117 imaluunniit dorthe@flieshr.dk
Flies HR Consultingip atorfinititsinissamut suliaq tigummivaa, taamaammat saaffiginninnerit tamarmik tassunga ingerlateqquneqarput.
Qinnuteqarnissamut killigititaq Juulip 30-at 2021 imaluunniit piaarnerpaamik
Qinnuteqartut tulleriissaarlugit oqaloqatigiinninnissamut qaaqqujumaarpavut.
Tusarfiginissat qilanaaraarput!
KOMMUNE KUJALLEQ
Kommune Kujalleq pillugu annertunerusumik uani paasisaqarsinnaavutit:
