Meeqqanut, Inuusuttunut, Inatsisit Atuutsinneqarnerannut Naligiissitaanermullu Naalakkersuisoqarfik periusissiornermik aqutsillaqqittumik pisortassarsiorpoq, aaqqissuussami nukittuumi siuttoorusuttumik kiisalu isumaginninnermik pitsaaliuinermillu aqutsinermi, inerisaanermi atuuttussanngortitsinermilu aqutsisussamik, aqutsisoqarfimmi sulisut kiisalu suleqatit allat peqatigalugit Kalaallit Nunaanni innuttaasunut iluaqutaasussamik qanimut oqaloqatigalugit siulersuerusuttumik.
Misissueqqissaarnermik periusissiullaqqinnermillu aqutsisutut pikkoriffeqassaatit. Suleqatinut, soqutigisaqaqatigiinnut suliassaqarfimmilu pitsaasumik suleqatigiissitsilersinnaallutillu attassisinnaalluassaatit, aamma suliassaqarfimmi politikkikkut aqunneqartumi suleriaatsimik paasinnilluarsimassallutit.
Akisussaaffeqarfiit
- Aqutsisoqarfimmi pisortap akisussaaffigai Isumaginninnermut Aqutsisoqarfimmi pisortaqatigiit suleqatigalugit aaqqissuussamik aqutsinissamut, tassanilu qulakkeerneqassalluni Isumaginninnermut Aqutsisoqarfimmi isumaginninnermi, peqqissutsimik siuarsaanermi pitsaaliuinermilu suliassaqarfinnik pisariaqartitat isumalluutigineqartullu oqimaaqatigiissumik suliaqarnissaa. Taamaammat suliassat pingaarnerit tassaassapput isumaginninnermi pitsaaliuinermilu kommuninik suleqateqarnerup inerisarnissaa patajaallisarnissaalu. Taakku saniatigut aqutsisoqarfimmi pisortaq kommuninut qanimut oqaloqatiginninnissamut tunuliaqusiissaaq, taamaalillunilu suliaat ikorfartorneqarluni sapinngisamillu pitsaanerpaamik oqimaaqatigiissaarneqarluni.
- Aqutsisoqarfimmi pisortap politikkikkut ingerlatsinermillu suliaqarnerup imminnut ataqatigiinnissaat akisussaaffigai. Aqutsisoqarfimmi pisortap pisortaqatigiit suleqatigalugit inatsisiliornermut politikkikkullu anguniakkanik atuutsitsilernissamut suleqataasussaavoq innuttaasunut inuiaqatigiinnullu naammassisaqassalluni – anguniakkat naammassisassatullu aalajangersakkat aningaasaliissutit iluanni naammassinissaat ilanngullugu eqqarsaatigalugu.
- Sammisassanik, kiffartuussinissamut aamma pitsaassutsimut anguniakkanik suliaqarneq malitseqartitsinerlu kiisalu nuna tamakkerlugu katsorsaaanissamik neqeroorutitigut, ulloq unnuarlu paaqqinnittarfinni ulloq unnuarlu paaqqinnittarfinnut neqeroorutinik kiisalu qimarnguinnik iliuusissatut pilersaarusiorneq.
- Aqutsisoqarfimmi pisortap qulakkiissavaa Isumaginninnermut Aqutsisoqarfiup periaatsinik suleriaatsinillu inuiaqatigiinni pisariaqartinneqartunik malinnaajuaannarniassammat ineriartortitsinissaq, ingerlatitseqqiinissaq, nakkutilliinissarlu nalilersuisarnissarlu. Taakku saniatigut aqutsisoqarfimmi pisortap kommunit Isumaginninnermullu Aqutsisoqarfiup Naalakkersuisoqarfiullu akornanni attaveqaqatigiinneq pingaartoq qularnaarlugulu patajaallisassavaa.
Meeqqanut, Inuusuttunut Ilaqutariinnullu Naalakkersuisoqarfik aqutsisoqarfimmut pisortassarsiorpoq 1. oktober 2026 imaluunniit piaarnerpaamik aallartittussamik. Aqutsisoqarfimmi pisortatut Isumaginninnermut Aqutsisoqarfimmi qullersatut aqutsisunngussaatit, aaqqissuussaanikkut Meeqqanut, Inuusuttunut, Inatsisit atuutsinnerannut Naligiissitaanermullu Naalakkersuisoqarfiup ataani inissisimassallutit.
Illit pillutit
- Kalaallit Nunaanni isumaginninnermut tunngasunik ilisimasaqarluarputit kiisalu peqqissutsimik siuarsaanermi pitsaaliuinermilu peqqissutsimut tunngasunik unammilligassanik ilisimasaqarluarlutit. Ilinniagartuutut naleqquttumik ilinniagaqarsimassasutit. Aqutsinermik aalajangiisarnernillu misilittagaqartutit.
Suleqatiginnillaqqillutit tusarnaarluarsinnaallutit. Nunatsinni kommuninik suleqateqarnermik misilittagaqartutit. Oqaatsitigut attaveqartarnikkullu pitsaasumik piginnaasaqarputit. Aalajangerluarsinnaasutit naliliillaqqillutillu, taamaalillutit suleriaatsit suliassallu pingaarnersiukkat isumannaatsumik aqulluarsinnaallugit.
Kalaallit oqaasiinik, kulturianik inuiaqatigiinnullu tunngasunik ilisimasaqarluartutit.
Uatsinnut pingaaruteqarpoq
- Aqutsisoqatigiinnik kajumissaarisinnaalluartuullutillu isumasiortitsilluarsinnaasutit aammalu tapersersuisumik nutaanillu iluarusunnartunik pilersitsisinnaallutit allanillu anguniakkanik saqqummiussanik malitsitsinissamut kaammattuisinnaallutit. Killiffik isummersorfigalugu taamaasilluni kultureqarneq “best pratice” ingerlajuartumik pitsanngorsarsimanissaa qulakkeerniarlugu. Sulinikkut pissutsini uummaarillunilu pitsaaliuinissaq, suliassallu suliaripallattarniartarlugit peqatigisaanillu suliassarpassuit suliarisinnaassallugit. Kingullertut minnerunngitsumillu politikkikkut sullissinermi kiisalu Isumaginninnermut Aqutsisoqarfimmi aammaMeeqqanut, Inuusuttunut, Inatsisinik atuutsitsinermut Naligiissitaanermullu Naalakkersuisoqarfimmi pisortaqatigiinnut tunniusimallutit suleqataalluarsinnaasutit.
Isumaginninnermut Aqutsisoqarfik
Isumaginninnermut Aqutsisoqarfik tassaavoq aqutsisoqarfik Meeqqanut, Inuusuttunut Ilaqutariinnullu Naalakkersuisoqarfiup ataani tallimaasuni makkuninnga immikkoortortalik: Pitsaaliuinermut immikkoortortaqarfik Paarisa, Aningaasaqarnermut immikkoortortaqarfik, Sullissisunik Siunnersuisarfimmi Immikkoortortaqarfik, Ulloq Unnuarlu Innersuussinermullu immikkoortortaqarfik, Allatseqarfillu. Immikkoortortaqarfiit qanimut suleqatigiittarput aamma suliffeqarfiuvoq suliatigut unammillernartorpassualik.
Isumaginninnermut Aqutsisoqarfiup pingaarnertut suliassaasa ilagaat
Isumaginninnermut Aqutsisoqarfik suliffiuvoq pissanganartoq, ulluinnatsinnut ulapaarfiusumut attuumassuteqarluartoq, anguniakkallu qaffasissuullutik. Isumaginninnermut Aqutsisoqarfiup peqqissutsimut siuarsaatinik pitsaaliuinernillu politikkikkut periusissianik akuerisaasunik atuutsitseqataasarpoq. Periusissiani anguniakkat ulluinnarni ingerlatsinermi aqutsinissamut atortussianngornissaat isumagisarparput. Suliakkiunneqartut politikkikkut anguniakkanut innuttaasunullu iluaqutaasunik kinguneqartussanik naammassinnittarnerput pingaartitaraarput.
Aqutsisoqarfiup pingaartitaasa ilagaat kommuninik suleqateqarneq. Isumaginninnermut Aqutsisoqarfiup peqqissutsimik siuarsaataasunik, pitsaaliuinermik, ineriartornermik kiisalu isumaginninnermi suliassaqarfimmi siunnersuinermik suliassanik kommunit suleqatiginerisa nukittorsarnissaat suliaraa. Isumaginninnermut Aqutsisoqarfiup pingaartitaasa ilagaat ulloq unnuarlu paaqqinnittarfinni inerisaaneq kiisalu innuttaasunut innarluutilinnut atungassarititanik pitsanngorsaaneq.
Isumaginninnermut Aqutsisoqarfik Meeqqanut, Inuusuttunut, Inatsisinik atuutsitsinermut Naligiissitaanermullu Naalakkersuisoqarfiup ataaniippoq. Aqutsisoqarfimmi pisortaq toqqaannartumik naalakkersuisoqarfiup pisortaanik qullersaqarpoq.
Atorfeqarnermi atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatigiinniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit pissapput. Ukiunut aalajangersimasunut atorfinitsitsisoqarsinnaavoq
Soqutiginnippit?
Atorfik pillugu apeqqutissaqaruit Partner Dorthe Flies, Flies HR-imeersoq oqarasuaammut uunga: 583117 imaluunniit uunga: +45 4560833117 imaluunniit mailimut uunga dorthe@flieshr.dk attavigisinnaavat
Flies HR-ip sulisussarsiorneq isumagisassaraa, taamaammat saaffiginninnerit tamarmik tassunga ingerlateqquneqarput. Qinnuteqarfissaq kingulleq tassaavoq 4. august 2026 Atorfinitsitsinissamut oqaloqatigiinnerit sapaatit akunneri taassuma tulliini ingerlannissaat naatsorsuutigineqarpoq.
Allanik apeqqutissaqaruit Naalakkersuisoqarfimmi pisortaagallartumut Helena Lynge Møllerimut attaveqarsinnaavutit uunga helm@nanoq.gl
Tusarfiginissat qilanaaraarput.
Departementet for Børn, Unge, Justitsområdet og Ligestilling søger en strategisk ledelsesprofil, som vil stå i spidsen for en stærk organisation og som vil gå forrest og lede, udvikle og forankre de sociale og forebyggende indsatser i tæt dialog med styrelsens ansatte samt øvrige samarbejdspartnere til gavn for borgerne i Grønland.
Du skal være en leder med en stærk analytisk og strategisk profil. Du skal evne at opbygge og vedligeholde solide samarbejdsrelationer til samarbejdspartnere, interessenter og ressortområdet, og du skal besidde en god forståelse for arbejdet i en politisk styret organisation.
Ansvarsområder
- Styrelseschefen har ansvaret for i samarbejde med den resterende chefgruppe at lede Socialstyrelsen som organisation og at realisere og sikre, at Socialstyrelsens relevans er balanceret med behovene og ressourcerne på det sociale, sundhedsfremmende og forebyggende område. De primære opgaver bliver derfor at udvikle og styrke det kommunale samarbejde inden for det sociale og forebyggende område. Dertil skal styrelseschefen være garant for en tæt dialog med kommunerne, således at deres arbejde understøttes og balanceres bedst muligt.
- Styrelseschefen har ansvaret for at bygge bro mellem politik og drift. Det påhviler styrelseschefen i samarbejde med chefgruppen at bidrage til, at lovgivning og politiske mål implementeres og skaber resultater for borgeren og for samfundet – og at fastlagte mål og resultater opfyldes inden for den givne økonomiske ramme.
- Udarbejdelse af og opfølgning på aktivitets-, service- og kvalitetsmål samt handleplaner indenfor de landsdækkende behandlingstilbud, døgninstitutions- og døgntilbudsområdet, og krisecentre.
- Styrelseschefen skal sikre, at Socialstyrelsen udvikler, formidler, monitorerer og evaluerer metoder og praksisser, så de hele tiden følger de behov, der ligger i samfundet. Dertil skal styrelseschefen sikre og styrke den vigtige kommunikation mellem kommunerne og Socialstyrelsen, samt Departementet.
Departementet for Børn, Unge og Familier søger en ny styrelseschef med start 01. oktober 2026 eller hurtigst muligt derefter. Som Styrelseschef bliver du den øverste leder i Socialstyrelsen, som er en organisatorisk enhed under Departementet for Børn, Unge, Justitsområdet og Ligestilling.
Om dig
- Du har et indgående kendskab til sociale forhold i Grønland og et indgående kendskab til de sundhedsmæssige udfordringer inden for sundhedsfremme og forebyggelse. Du har en passende akademisk uddannelsesbaggrund. Du har erfaring med ledelse og beslutningstagning.
Du har gode samarbejdsevner og du evner at lytte. Du har erfaring med at samarbejde med kommunerne på tværs af landet. Du har gode sproglige og kommunikative færdigheder. Du har gennemslagskraft og dømmekraft, så du med sikkerhed styrer processer og prioriterer opgaver.
Du har indgående kendskab til grønlandsk sprog, kultur og samfundsforhold.
Det er vigtigt for os, at du
- Kan motivere og inspirere chefgruppen og skabe en positiv og innovativ atmosfære og opmuntre andre til at forfølge de foreliggende mål. At du kan udfordre status quo for derigennem at sikre en kultur, der er forberedt på kontinuerlige forbedringer og “best pratice”. At du er proaktiv og energisk i arbejdssituationen og søger at få tingene gjort, og på samme tid kunne håndtere en bred vifte af opgaver. Sidst men ikke mindst, skal du besidde en udpræget loyalitet og troværdighed i samspillet med både det politiske system og dine chefkolleger i Socialstyrelsen og chefgruppen i Departementet for Børn, Unge, Justitsområdet og Ligestilling.
Socialstyrelsen
Socialstyrelsen hører under Departementet for Børn, Unge, Justitsområdet og Ligestilling og har følgende 5 afdelinger: Paarisa, Døgn- og Visitationsafdeling, Afdeling for rådgivning til sagsbehandlere, Økonomiafdelingen og Sekretariatet. Afdelingerne arbejder tæt sammen med hinanden, og det er en arbejdsplads, som byder på masser af faglige udfordringer.
Socialstyrelsens hovedopgave er
Socialstyrelsen er en arbejdsplads med en spændende, relevant og travl hverdag, hvor ambitionsniveauet er højt. Socialstyrelsen er med til at implementere politisk vedtagne strategier omkring sundhedsfremme og forebyggelse. Vi sørger for, at de strategiske målsætninger bliver til konkrete ledelsesmæssige tiltag i den daglige drift. Vi sætter en ære i, at den faglige opgaveløsning leveres i tråd med de politiske målsætninger og til gavn for borgerne.
Et af styrelsens centrale fokusområder er samarbejdet med kommunerne. Socialstyrelsen arbejder for at styrke samarbejdet med kommunerne om at varetage sundhedsfremmende, forebyggende, udviklende og socialfaglige rådgivningsopgaver. Et andet af Socialstyrelsens fokusområder er at styrke udviklingen inden for døgninstitutionsområdet og samtidig forbedre forholdene for borgere med handicap.
Socialstyrelsen hører under Departementet for Børn, Unge, Justitsområdet og Ligestilling. Styrelseschefen refererer direkte til departementschefen.
Ansættelsesvilkår
Løn – og ansættelsesvilkår, herunder ret til til- og fratrædelsesrejse og bohaveflytning, sker i henhold til den på tiltrædelsestidspunktet gældende aftale/overenskomst mellem Grønlands Selvstyre og pågældende forhandlingsberettigede organisation. Der vil kunne ske ansættelse på åremålskontrakt.
Interesseret?
Hvis du har spørgsmål til stillingen, er du velkommen til at kontakte Partner Dorthe Flies fra Flies HR på mobil +299 583117 eller dorthe@flieshr.dk.
Flies HR varetager rekrutteringsprocessen, hvorfor al henvendelse bedes rettet hertil. Der er ansøgningsfrist d. 4. august 2026 Ansættelsessamtaler forventes gennemført i ugerne derefter.
Såfremt du har yderligere spørgsmål til stillingen, er du velkommen til at kontakte Konst. Departementchef Helena Lynge Møller helm@nanoq.gl
Vi glæder os til at høre fra dig.
Naalakkersuisut
Læs mere om Naalakkersuisut her: www.nanoq.gl.
